Скандал на «Дзядах» у Лошыцы: КХП-БНФ абвясціла гісторыка Ігара Кузняцова персонай нон-грата ў Курапатах
На жалобную акцыю ў Лошыцу прыйшло каля 100 чалавек
14:08
Мітынг закончыўся выступам Алеся Чахольскага. Ён распавёў пра гісторыю Лошыцы і сталінскіх рэпрэсіяў. Заклікаў да салідарнасьці і еднасьці. На завяршэньне прасьпявалі гімн "Магутны Божа", усклалі кветкі і запалілі сьвечкі.
14:04
Удзельнікі акцыі ўскладаюць кветкі ды запальваюць знічы ў Лошыцкім яры.
13.30
Выступіў Валеры Буйвал, які зачытаў ліст Зянона Пазьняка, у якім коратка было распаведзена пра гісторыю Лошыцкага яру, што тут пахавана ня менш за 10 тысячаў беларусаў, і што гвалтам былі спыненыя спробы правесьці раскопкі. Паводле словаў лідара КХП-БНФ, гэта сьведчыць, што тут сапраўды масавыя пахаваньні людзей. У лісьце Зянон Пазьняк правёў паралель з сёньняшнім часам. Паводле яго, ФСБ і КГБ - пераемнікі традыцыяў НКВД.
Затым Валеры Буйвал працягнуў думку Зянона Пазьняка і распавёў пра Курапаты, пра тое, што туды часта ўмешваюцца людзі, якія не зьяўляюцца сапраўднымі гісторыкамі і навукоўцамі, і назваў Ігара Кузьняцова, які як палітрук савецкага войска, зрабіў бліскучую кар'еру ў Расеі, а пасьля прыехаў у Беларусь. Маўляў, не зарбіўшы нічога ў Курапатах, ён бярэ на сябе ролю асобы, якая клапоціцца пра гэтае месца. Партыя КХП-БНФ абвяшчае Кузьняцова пэрсонай нон-грата ў Курапатах. Падзякаваў Радыё Свабода, што распавяла біяграфію Ігара Кузьняцова.
Пасьля прамаўляў Юрась Беленькі, які таксама правёў паралелі, што тыя "сталінскія каты" цяпер дзейнічаюць іншымі сродкамі, вынішчаючы беларускую мову і беларускую культуру, але беларусы павінны салідарызавацца. і факт такой салідарнасьці - ігнараваньне выбараў у дэпутаты парлямэнту.
13.00
У акцыі прымае ўдзел некалькі дзясяткаў чалавек. Пад бел-чырвона-белымі сцягамі яны рушылі на месца мітынгу.
* * *
Сёння ў Лошыцкім Яры, на месцы масавых расстрэлаў, адбудзецца традыцыйны жалобны мітынг.
Збор удзельнікаў — з 12:00 да 12:30 на пляцоўцы ля палаца культуры «Лошыцкі».
Мітынг у Лошыцкім яры — з 13:30 да 15:00.
* * *
Лошыцкі яр — урочышча, дзе органы НКУС у 1937–1941 гадах праводзілі масавыя расстрэлы. Колькасьць ахвяраў застаецца невядомай.У 1988 годзе яр засыпалі, а на яго месцы збудавалі гаражны каапэратыў.
Той самы масажыст расказаў, навошта здымаў голых кліентак2
Каментары