Kiroŭca maršrutki admoviŭsia vieźci dzicia, jakoje nie mieła najaŭnych hrošaj. Ci mieŭ jon racyju?
Kiroŭca maršrutki №1499-TK, jakaja kursuje pamiž minskim aŭtavakzałam «Centralny» i Zasłaŭjem, nie dazvoliŭ dziciaci skarystacca pasłuhaj pieravozki, bo jano nie zmahło apłacić prajezd hatoŭkaj. U dziciaci była tolki bankaŭskaja kartka. Historyja atrymała šyroki rozhałas u sacyjalnych sietkach, piša vydańnie pristalica.by.

Na situacyju adreahavali ŭ dziaržaŭnym pradpryjemstvie «Staličny transpart i suviaź». Tam paćvierdzili, što kiroŭca nie zmoh pryniać apłatu kartkaj praz razradžany terminał. Adnak na pradpryjemstvie padkreślili, što heta nie apraŭdvaje situacyju, kali dzicia pakinuli na vulicy.
Kiroŭcu vynieśli dyscyplinarnaje spahnańnie ŭ vyhladzie zaŭvahi. Akramia taho, pieravozčyk pravioŭ prafiłaktyčnuju hutarku z usimi astatnimi kiroŭcami.
Na pradpryjemstvie adznačyli, što prablemy z razradkaj terminałaŭ nie majuć sistemnaha charaktaru i ŭźnikajuć tolki čas ad času.
U kamientaryjach da paviedamleńniaŭ pra hety vypadak pasažyry taksama skardzilisia, što na maršrucie kiroŭcy redka vydajuć čeki. U «Staličnym transparcie i suviazi» patłumačyli, što paśla apłaty prajezdu kiroŭca abaviazany vydać pasažyru dakumient, jaki paćviardžaje apłatu.
Niavydača kvitka ličycca parušeńniem pravił vykarystańnia kasavaha abstalavańnia. U takich vypadkach pasažyry mohuć źviartacca ŭ adpaviednyja orhany, naprykład u inśpiekcyi Ministerstva padatkaŭ i zboraŭ. Kali parušeńnie paćvierdzicca, vinavataha pryciahnuć da adkaznaści.
Kamientary