За адмову здаваць экзамен па ідэалогіі — крымінальная справа
У Дзяржаўным памежным камітэце рыхтуецца суд над маёрам Аляксеем Касцюкова. У пачатку верасня ў Смаргонскай пагранатрадзе прымалі штогадовыя залікі па ідэалагічнай працы і тактыцы памежнай службы. Супрацоўнік 3-га аддзела службы аператыўнай дзейнасці маёр Касцюкоў ад праходжання залікаў адмовіўся.
9 лістапада ў яго канчаецца кантракт, які ён вырашыў не працягваць. Маёр ужо прайшоў атэстацыйную камісію перад звальненнем, якая дазволіла яму звольніцца, і збіраўся спакойна пакінуць шэрагі памежнікаў. Ад выканання сваіх службовых абавязкаў Аляксей Касцюкоў не адмаўляўся, але заліку па ідэалогіі вырашыў праігнараваць. За што атрымаў строгую вымову ад камандзіра.
Здавалася б, на гэтым непрыемнасці для афіцэра, які сабраўся на дэмбель, павінны былі скончыцца. Аднак праз два тыдні пасля інцыдэнту камандзір вайсковай часці 2044 палкоўнік Ляўда распачаў супраць маёра Касцюкова крымінальную справу. Маёра абвінавацілі ў здзяйсненні воінскага злачынства — артыкул 438, ч.1 Крымінальнага кодэкса.
Справу перадалі ў Следчы камітэт. Маёра ўжо некалькі разоў выклікалі на допыты. Паказанні на Касцюкова даў яго непасрэдны начальнік — начальнік службы аператыўнай дзейнасці маёр Страпко.
У маёра Страпко пастаянна ўзнікалі канфлікты з падначаленым — маёрам Касцюкова. Апошні крытыкаваў дзеянні Страпко.
Маёр Касцюкоў пакуль устрымліваецца ад каментароў. Ён лічыць сябе абсалютна невінаватым і кажа, што яму хочуць адпомсціць за звальненне з пагранкамітэта і крытыку на адрас маёра Страпко.
У маёра Касцюкова двое маленькіх дзяцей.
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м28
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1212
Каментары