На сёння кнігі на беларускай мове складаюць 12% ад агульнага аб'ёму літаратуры, якая выдаецца ў Беларусі.
Аб гэтым на прэс-канферэнцыі 3 верасня ў Мінску заявіў намеснік міністра інфармацыі Уладзімір Матусевіч.
«Шмат гэта ці мала, сказаць цяжка. Напэўна, гэта столькі, колькі таго сёння патрабуе рынак», — адзначыў чыноўнік.
Паводле даных Міністэрства інфармацыі, за мінулы год у Беларусі выдавецтвамі і арганізацыямі розных форм уласнасці, якія выдаюць кнігі, было выпушчана каля 11,4 тыс. найменняў кніг і брашур агульным накладам прыкладна 31,5 млн. асобнікаў.
Матусевіч падкрэсліў, што выданне кніг на беларускай мове з'яўляецца адным з асноўных кірункаў дзейнасці дзяржаўных выдавецтваў. «Дзяржаўныя выдавецтвы выдаюць больш за дзве траціны ад усяго аб'ёму літаратуры, якая выходзіць на беларускай мове», — растлумачыў ён.
Кажучы аб прысутнасці ў продажы дзіцячых кніг на беларускай мове, намеснік міністра інфармацыі заявіў: «Сказаць, што іх сёння вельмі мала, нельга».
«Вельмі цяжка сказаць, у вялікім ці малым аб'ёме яны прадстаўлены ў кнігарнях, але найменняў дзіцячай літаратуры на беларускай мове ў магазінах дастаткова», — перакананы Матусевіч.
-
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай
-
У Магілёве адкрылі шыльду губернатару Дэмбавецкаму. Дату смерці яму напісалі на гады ранейшую за спробу ўцячы з Савецкай Расіі
-
У Заслаўі над руінамі брамы XVI стагоддзя пабудуюць навес. Што вядома пра ўнікальны аб'ект і чаму прапанаваны праект — бессэнсоўны і шкодны
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў31
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары