Сёння ў Наваполацку на лінію выйшаў суперсучасны эксперыментальны трамвай, распрацаваны і выраблены сталічным «Белкамунмашам».
Як паведаміла начальніца ўчастка эксплуатацыі рухомага саставу НТКУП «Трамвайны парк» Алена Цыхелашвілі, такіх вагонаў у беларускіх гарадах з трамвайных рухам яшчэ не эксплуатавалі. Пасля доўгага перыяду пусканаладачных работ найноўшая мадэль аднасекцыйнага паўнізкападлогавага трамвайнага вагона нарэшце адправілася з пасажырамі па адзіным у горадзе маршруце. Гэтая распрацоўка можа не толькі стаць асновай рэйкавага электратранспарту Беларусі, але і забяспечыць «Белкамунмаш» добрымі экспартнымі замовамі.
Мадэль БКМ-802 з'яўляецца недарагой альтэрнатывай трохсекцыйнаму хуткаснаму трамваю вялікай умяшчальнасці БКМ-843 і прызначаная для эксплуатацыі на маршрутах з невысокім пасажырапатокам у невялікіх гарадах. Даўжыня вагона складае 15,5 м, агульная ўмяшчальнасць разлічана на 165 чалавек: сядзячых месцаў — 28 (у тым ліку 4 — для пасажыраў з абмежаванай мабільнасцю), стаячых — 137, а таксама адно месца ў сярэдзіне салона — для дзіцячай або інваліднай каляскі з сістэмамі фіксацыі і абвяшчэння кіроўцы.
«Унутры ўсюды электроніка: устаноўленыя сінхранізаваныя візуальная і акустычная інфармацыйныя сістэмы для пасажыраў, тэрмарэгулятар у салоне і кандыцыянер — у кабіне кіроўцы. Асвятленне святлодыёднае. Для пасажыраў зручная канструкцыя з нізкай падлогай ў сярэдзіне вагона, якая палягчае пасадку/высадку. Вагон добра разганяецца і плаўна тармозіць. Паглядзім, як ён праявіць сябе ў працэсе актыўнай эксплуатацыі, асабліва ў першыя тры гарантыйная гады. Гэты трамвай разам з яшчэ двума вагонамі будзе абслугоўваць лінію днём», — патлумачыла Алена Цыхелашвілі.
У сям'і Міронцавых за палітыку ўжо асудзілі маці і трох сясцёр. А цяпер арыштавалі і мужа адной з сясцёр3
Каментары