У Мінску ў 2015 годзе павінны з'явіцца першыя магазіны фармату «ўсё па адной цане». Пра гэта паведаміў вядучы спецыяліст кампаніі «Твая сталіца. Упраўленне праектамі» Аляксандр Вялікі.
Паводле яго інфармацыі, такі фармат магазінаў плануе рэалізаваць адна з буйных гандлёвых сетак. Гэта значыць пакупнік у такім магазіне будзе набываць прадукцыю па адзінай фіксаванай цане за адзінку тавару.
«Канцэпцыя, якая атрымала развіццё ў Нью-Ёрку яшчэ ў пазамінулым стагоддзі, мае вялікія перспектывы ў Беларусі. Аператары, якія жадаюць прытрымлівацца гэтага фармату, запытваюць памяшканні ў сталіцы плошчай ад 100 да 300 кв.м. У 2015 годзе ў Мінску павінна з'явіцца мінімум адна буйная гандлёвая сетка, тавары ў якой рэалізуюцца па аднолькавай цане», — паведаміў эксперт.
Паводле яго слоў, асноўная ідэя фармату — прапанаваць спажыўцам шырокі асартымент неабходных у побыце тавараў па нізкай цане. Выгадных умоў для пакупніка ў гэтым выпадку атрымліваецца дамагчыся за кошт продажу пераважна папулярнай прадукцыі і наладжанай сістэмы паставак. «Аптовыя закупкі ў вытворцаў, нізкія затраты на лагістыку і высокая абарачальнасць дазваляюць такім сеткам прапаноўваць найлепшыя цэны», — растлумачыў эксперт.
Паводле яго меркавання, «у 2015 годзе сфера гандлю паспрабуе змякчыць зніжэнне плацежаздольнасці беларусаў». Чакаецца, што практычна ўсе буйныя гандлёвыя цэнтры асвояць фармат распродажу выхаднога дня і «чорных пятніц». Акрамя таго, у Мінску адкрыецца першы ў Беларусі цэнтр распродажу Leto, у якім прадставяць каля 70 магазінаў. Усе яны будуць прадаваць тавары па мінімальных нацэнках ці з пастаяннымі скідкамі.
«У найбліжэйшы год-два ўсё большую папулярнасць у Мінску будуць набываць гандлёвыя аб'екты, якія дазваляюць зэканоміць на пакупках, — адзначыў Вялікі. — Дэвелаперам і гандлёвым аператарам трэба прыкласці максімум намаганняў, каб утрымаць пакупнікоў і захаваць бягучы ўзровень наведвальнасці».
Паводле яго меркавання, «кампаніі, якія будуць прытрымлівацца кансерватыўнай палітыкі ў цэнаўтварэнні, рызыкуюць страціць сваю долю на рынку». «У найбліжэйшыя месяцы разгорнецца барацьба за спажыўца, ад якой апошні толькі выйграе», — перакананы эксперт.
Цяпер чытаюць
У Мінску пачалі судзіць трох беларусаў, якім павесілі «тэрарызм» і «здраду дзяржаве». Аднаго з іх затрымалі ў Крыме1
У Мінску пачалі судзіць трох беларусаў, якім павесілі «тэрарызм» і «здраду дзяржаве». Аднаго з іх затрымалі ў Крыме
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары