Самая магутная ў гэтым месяцы магнітная бура пачнецца ў бліжэйшую пятніцу, 8 красавіка. Следам за ёй прыйдзе чатырохдзённая бура — яна будзе доўжыцца з 18 па 21 красавіка.
Згодна з вынікамі некаторых даследаванняў, магнітныя буры негатыўна ўплываюць на самаадчуванне людзей. Нейкі адсотак зямлян адзначае галаўныя болі і паслабленне ўвагі, скардзіцца на бяссонніцу. Медыкі рэкамендуюць метэаадчувальным людзям пазбягаць фізічных нагрузак, сачыць за ціскам, спаць не менш за шэсць гадзін і выключыць з рацыёну тлустую ежу.
Геамагнітныя буры таксама ўплываюць на многія вобласці дзейнасці чалавека: могуць прыводзіць да парушэння сувязі, навігацыі касмічных караблёў, а таксама да ўзнікнення віхравых індукцыйных токаў у трансфарматарах і трубаправодах.
Наймагутная геамагнітная бура адбылася ў 1859 годзе. На Сонцы быў каранальны выкід такой сілы, што ён дасягнуў Зямлі ўсяго за 18 гадзін, хоць звычайна адлегласць да нас ён пакрывае за тры-чатыры дні. Гэтая магнітная бура выклікала адмову тэлеграфных сістэм у Еўропе і Паўночнай Амерыцы. Па ўсім свеце назіралася паўночнае ззянне.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?20
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары