29-гадоваму жыхару Наваполацка Тарасу Аватараву, судовыя слуханні па справе якога праходзяць у судзе Фрунзенскага раёна Мінска, 25 красавіка перавыстаўлена абвінавачанне.
Сутнасць абвінавачання і пакаранне, якое яму пагражае, не змяніліся. Аватараву па-ранейшаму ставяцца ў віну незаконныя дзеянні ў дачыненні да выбуховага прыстасавання на аснове асколачнай гранаты, якую ён набыў ва Украіне, перавозіў па тэрыторыі Украіны і Беларусі, схаваў у сваіх асабістых рэчах пры перасячэнні беларускай мяжы і захоўваў пры сабе да моманту затрымання 26 лістапада 2015 года на чыгуначным вакзале Мінска (ч. 2 арт. 295 КК). Аватараў таксама абвінавачваецца ў незаконным перамяшчэнні (кантрабандзе) выбуховага прыстасавання праз мытную мяжу Беларусі (ч. 2 арт. 228 КК у рэдакцыі закона ад 2012 года).
У той жа час, як патлумачыў журналістам дзяржабвінаваўца Аляксандр Мірончык, са складу абвінавачвання ў частцы кантрабанды выключана адна з кваліфікуючых прыкмет, а менавіта тое, што Аватараў пры перасячэнні мытнай мяжы не задэклараваў свой «груз». Дэклараванне выбуховых прыстасаванняў не прадугледжана — яны наогул забаронены да перамяшчэння праз мяжу.
Раней гаворка ішла пра магчымую перакваліфікацыю Аватараву абвінавачання з ч. 2 арт. 228 КК на арт. 333-1 КК. Цяпер жа гаворка ідзе аб незаконным перамяшчэнні праз мяжу Еўразійскага эканамічнага саюза або дзяржмяжу Беларусі «агнястрэльнай зброі, боепрыпасаў, выбуховых рэчываў». Максімальнае пакаранне за гэта злачынства — сем гадоў пазбаўлення волі, столькі ж, колькі па ч. 2 арт. 228 КК.
Аднак злачынства было ўчынена Аватаравым да ўваходжання новага артыкула КК у дзеянне. Для таго каб падсудны змог азнаёміцца з новым абвінавачаннем, у судзе абвешчаны перапынак да 3 мая.
Тарас Аватараў (да 2011 года — Тарас Поспіх) быў затрыманы ў Мінску раніцай 26 лістапада. Пры вобыску ў яго былі знойдзены маска з прарэзамі для вачэй, два пашпарты, самаробнае выбуховае прыстасаванне на аснове асколачнай гранаты, сігнальны пісталет, падобны на ПМ, электронныя носьбіты, чорна-чырвоны сцяг, а таксама даведка аб удзеле ў антытэрарыстычнай аперацыі на тэрыторыі Украіны ад імя «Правага сектара». У момант затрымання на падазроным была армейская бронекамізэлька.
Цяпер чытаюць
Той самы масажыст расказаў, навошта здымаў голых кліентак25
Каментары