«Укантакце» змяніла дызайн аўдыёзапісаў і плануе ўвесці платную падпіску
Ад сёння, 28 красавіка, запрацавала новая сістэма прайгравання аўдыёзапісаў «Укантакце». У абноўленай версіі зменены дызайн і палепшана сістэма рэкамендацый карыстальніку. Таксама з'явіцца і платны кантэнт.
Цяпер укладка «Мае аўдыёзапісы» ўяўляе сабой дадатак дзе, акрамя праслухоўвання музыкі, можна падпісацца на афіцыйныя суполкі музыкаў, праслухаць апошнія альбомы гуртоў з усяго свету, з дапамогай спецыяльнага алгарытму прагледзець рэкамендацыі для праслухоўвання. Таксама з'явілася магчымасць ствараць музычныя плэйлісты і дзяліцца імі з сябрамі.
Кампанія ўвесь час займаецца паляпшэннем сістэмы прайгравання аўдыёзапісаў, бо дагэтуль мае праблемы з ліцэнзаваннем музыкі. «Укантакце» на сёння мае самую вялікую бібліятэку, разам з гэтым маючы самую вялікую праблему з пірацтвам.
Кампанія Mail.ru Group, якая валодае сацсеткай, у хуткім часе ўвядзе платную падпіску на музыку, паведамляе газета «Известия». Падпіска будзе каштаваць прыкладна ВYN 4,5. Пры гэтым бясплатнае праслухоўванне таксама захаваецца, але толькі за рэкламу. Функцыя будзе працаваць як і ў браўзеры на камп'ютары, так і ў мабільнай версіі.
Цяпер чытаюць
Колькасць судоў па палітычных крыміналках зменшылася ў разы1
Каментары