Жыхары Гомеля збіраюць подпісы пад зваротам з прапановай зрабіць Дзяды непрацоўнымі днямі
У інтэрнэце пачаўся збор подпісаў, каб 1 і 2 лістапада (Дзень усіх святых і Дзяды) былі абвешчаныя непрацоўнымі днямі.
У пачатку лістапада ў большасці рэгіёнаў Беларусі людзі прыходзяць на могілкі, каб прыбраць іх і ўшанаваць памяць продкаў. Ад 1991 да 1996 года Дзяды былі непрацоўным днём, што давала магчымасць грамадзянам Беларусі выканаць свой абавязак сумлення і памяці, ушанаваць продкаў, падбаць пра добраўпарадкаванне могілак, адзначаецца ў звароце
У каталіцкай традыцыі 1 лістапада — Урачыстасць усіх святых, 2 лістапада — Дзень задушны, калі памінаюць усіх памерлых. Штогод каталіцкія біскупы ў сваіх пасланнях нагадваюць вернікам пра абавязак наведаць могілкі.
У той жа час праваслаўныя вернікі маюць свой дзень памяці продкаў — Радаўніцу (аўторак), якая афіцыйна з’яўляецца выходным. Таксама традыцыйна робіцца выходным і панядзелак, каб людзям было зручна прыбраць магіілы. Католікі, на думку аўтараў звароту, пазбаўленыя магчымасці мець выходныя.
Аўтары звароту прапануюць, «у мэтах дасягнення сацыяльнай справядлівасці ў грамадстве, захавання добразычлівых адносінаў перад прадстаўнікамі розных канфесій, зрабіць 1 і 2 лістапада нерабочымі днямі ў Беларусі, пачынаючы з 2018 года, і замацаваць гэта адпаведным нарматыўна-прававым актам»
Каб падтрымаць Кампанію, запоўніце, калі ласка, абавязковыя палі і націсніце «даслаць». Калектыўны зварот будзе накіраваны ў Савет міністраў, Адміністрацыю прэзідэнта на адрас электроннай пошты - 7 снежня.
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
-
Як цяпер выглядае старадаўні касцёл, на выратаванне якога дзяржава збірае ахвяраванні ФОТЫ
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары