У Мінску прапануюць усталяваць скульптуру Менеска і памятны знак Лютэранскаму прадмесцю
Мінскі гарадскі інстытут добраўпарадкавання і гарадскога дызайну падрыхтаваў прапановы па ўстаноўцы ў Мінску скульптурнай кампазіцыі «Менеск» і памятнага знака Лютэранскага прадмесця, паведаміла на аператыўнай нарадзе ў мэрыі дырэктар прадпрыемства Святлана Барысовіч.
Скульптура волата-чарадзея Менеска, які па легендзе пабудаваў на беразе Свіслачы каменны млын, можа з'явіцца на скрыжаванні вуліц Камсамольская і Няміга, у цяперашні час разглядаецца некалькі варыянтаў размяшчэння кампазіцыі.
Пасля звароту нямецкай грамады вядзецца праца над праектам памятнага знака Лютэранскага прадмесця на скрыжаванні вуліц Волаха і Лібкнехта. Прапанавана восем варыянтаў знака, з якіх амбасада Германіі ўхваліла два — у выглядзе «кнігі жыцця» і разбуранай аркі кірхі.
Каментары