Роўна 100 гадоў таму, 19 сакавіка 1919 года, у часе польска-савецкай вайны чэкісты расстралялі ксяндза Вінцэнта Латарэвіча, які служыў у Ішкалдзі.
Яго цела, як і целы яшчэ трох палякаў, закінулі ў калодзеж у двары Мірскага замка.
Калі палякі зноў занялі Мір, цела 33-гадовага ксяндза было перавезенае ў Ішкалдзь і пахаванае на цвінтары.
Усяго ў часе польска-савецкай вайны 1918—1921 гадоў бальшавікі забілі больш за 100 ксяндзоў.
На стогадовую гадавіну з часу тых крывавых падзей у Ішкалдзі адбылася імша памяці ксяндза Латарэвіча. Яе адслужыў біскуп Казімір Вялікаселец. На імшу з'ехаліся актывісты Саюза палякаў з розных гарадоў, а таксама польскія дыпламаты.
Нагадаем, што Ішкалдзь — гэта найстарэйшы каталіцкі храм Беларусі, які ніколі не перабудоўваўся.
Цяпер чытаюць
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні5
Каментары