У ходзе афіцыйнага візіту ў Францыю прэзідэнт Украіны Уладзімір Зяленскі заявіў, што турысты заўсёды казалі, што ва Украіне «прыгожа, смачна і прыгожыя жанчыны», што было і застаецца «нашым брэндам».
Зяленскі сустракаўся з прадстаўнікамі самага вялікага ў свеце кампуса стартапаў Station F. У ходзе сустрэчы бакі абмяняліся меркаваннямі наконт развіцця Украіны і ролі IT-індустрыі ў гэтым працэсе.
Растлумачваючы сваю пазіцыю на гэты конт, прэзідэнт Украіны звярнуў увагу на ўражанні замежных турыстаў, якія наведваюць Украіну. Так, ён залічыў да турыстычных брэндаў краіны прыгажосць прыроды, кухню і ўкраінскіх жанчын.
«Заўсёды было ўяўленне ва ўсім свеце, што Украіна, гэта, у першую чаргу, сельская гаспадарка, гэта шахты, гэта металургі. А турысты казалі, што ва Украіне вельмі прыгожа, вельмі смачна і вельмі прыгожыя людзі, асабліва жанчыны. Так, усё гэта ёсць, і яно застаецца нашым брэндам», — адзначыў прэзідэнт Украіны.
Пасля Зяленскі дадаў, што неўзабаве пра Украіну могуць загаварыць як пра краіну, у якой развіта IT-індустрыя.
Цяпер чытаюць
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»12
Каментары