Тэрміналы па маршруце і білетныя кіёскі самаабслугоўвання — бліжэйшыя навацыі транспарту ў Мінску
Праект устаноўкі ў Мінску прылад для папаўнення бескантактавых смарт-карт і продажу разавых праязных талонаў, а таксама магчымасць рэалізацыі білетаў на прамежкавых пунктах маршрутаў праз спецыяльныя аплатныя тэрміналы абмеркавалі на форуме «Новыя тэхналогіі для павышэння якасці транспартнага абслугоўвання пасажыраў. Выклікі і шляху развіцця» ў Мінску, перадае БелТА.
Замену кіёскаў па продажы квіткоў на прылады самаабслугоўвання закранаў на сустрэчы з працоўным калектывам тралейбуснага парка №3 мэр сталіцы Анатоль Сівак. «Мінсктрансу» была пастаўлена адпаведная задача.
Выканаўчы дырэктар ТДА «Белтранском» Юрый Лацапнеў растлумачыў, што цяпер можна казаць пра стадыю тэхніка-эканамічнага задання на ўстаноўку тысячы такіх кіёскаў па горадзе.
«Гэта вельмі дарагая прылада, якая сумяшчае ў сабе некалькі функцый: розныя спосабы выдачы квіткоў, папаўнення БСК, счытванне банкаўскай карткі. Плюс трэба ацяпленне, паколькі без гэтага зімой у мароз прылада проста не будзе працаваць», - адзначыў Юрый Лацапнеў.
Акрамя таго прагучала інфармацыя ад ГП «Мінсктранс» аб тым, што ў іх сістэме набірае папулярнасць продаж білетаў праз даведачныя аплатныя тэрміналы. Зараз маецца 17 такіх тэрміналаў, усе яны запатрабаваныя. Але, на думку дырэктара філіяла «Мінскі аўтавакзал» Міхаіла Марцуля, асабліва дарэчнымі былі б такія прылады на прамежкавых прыпыначных пунктах маршрутаў. Напрыклад, калі з аўтавакзала «Цэнтральны» ў напрамку Уручча адпраўляецца аўтобус, на гэтай прамежкавай станцыі купіць білет можна толькі ў кіроўцы падчас пасадкі. Гэта стварае чаргу.
«Але можна выкарыстоўваць і іншыя сродкі, - развіў думку Юрый Лацапнеў. - Мы ўжо падрыхтавалі рашэнне - так званае аўтаматызаванае працоўнае месца кіроўцы. Гэта банкаўскі тэрмінал, сумешчаны з касай. Гэта дазволіць кіроўцу праводзіць аплату на адной прыладзе як за наяўныя, так і па безнаяўным разліку».
Такім чынам, ужо ў першай палове 2020 года нейкі з наяўных варыянтаў будзе апрабаваны на сталічных маршрутах.
Акрамя таго, прадстаўнік Міністэрства транспарту паведаміў, што ў Мінску плануецца рэалізаваць праект па аплаце праезду у наземным транспарце банкаўскай карткай (такое тэхнічнае рашэнне тэстуецца зараз на трамвайным маршруце №6).
Каментары