Недзяржаўная газэта «Витебский курьер» знаходзіцца ў няпэўным становішчы. Зьявіліся чуткі пра тое, што зь ліпеня газэта сыдзе ў Інтэрнэт.
Недзяржаўная газэта «Витебский курьер» знаходзіцца ў няпэўным становішчы. Зьявіліся чуткі пра тое, што зь ліпеня газэта сыдзе ў Інтэрнэт. Рэдактар «Курьера» Ўладзімер Базан кажа на гэта: «Празь фінансавыя цяжкасьці трэці месяц супрацоўнікі рэдакцыі не атрымліваюць заробкаў. Частка тэхнічнага пэрсаналу заявіла пра жаданьне звольніцца. Сытуацыя няпростая, але мы яшчэ нічога не вырашалі пра прыпыненьне выхаду».
Праблемы ў віцебскай газэты ўзьніклі ў выніку забароны на распаўсюд дзяржаўнымі манапалістамі «Белпоштай» і «Белсаюздрукам». Яе наклалі з 1 студзеня на 18 недзяржаўных газэтаў з мэтамі здушэньня незалежнае прэсы.
Ня выключана, што з 1 ліпеня можа прыпыніць выхад ня толькі «Кур’ер», але і некаторыя іншыя рэгіянальныя выданьні.
Ад Рэдакцыі. Без свабоднай прэсы ня можа быць свабоднага абмену думкамі, ня зможа нармальна разьвівацца грамадзтва. З гэтым ніхто не спрачаецца, нават камэнтатары БТ. Аднак словы застаюцца словамі. Пад размовы пра «незалежнасьць» улады Беларусі працягваюць выцягваць камень за каменем з фундамэнту нацыі — свабодную прэсу, беларускую мову, грамадзкую ініцыятыву. Анічога не памянялася ў гэтым пляне, — піша блогер Фольксваген.
-
Ты рускамоўны чалавек свету ці ты чалавек беларускі? Кейс Насты Рагатко
-
«Валасы дыбарам». У ютубе з'явіліся відэаролікі па гісторыі Беларусі, ад пачатку да канца напісаныя штучным інтэлектам
-
Наста Рагатко: Усіх, хто супраць удзелу беларусаў у івэнтах расіян, я чакаю ўбачыць на кірмашах польскіх, брытанскіх, іспанскіх
Каментары