Цэны на драўніну на сусветным рынку пайшлі ўніз і цэнавае ралі, якое прывяло да глабальнага росту кошту піламатэрыялаў у свеце, спынілася. Пра гэта паведамляе РБК. А гэта значыць, што цэны на драўніну ў Беларусі таксама павінны, па логіцы, знізіцца. Але на ўзровень 2019 года яны наўрад ці вернуцца, мяркуе Realt.by.
У 2021 годзе кошт піламатэрыялаў у Беларусі павялічыўся больш чым у два разы ў параўнанні з мінулым сезонам. Гэта адбылося з-за росту коштаў на драўніну ў ЗША, а ў выніку — і на ўсім сусветным рынку. Справа ў тым, што гэты тавар прадаецца ў Беларусі праз біржу і цана на яго фармуецца на падставе попыту і прапановы. Падаражэнне драўніны адбілася і на цэнах на іншыя будматэрыялы, якія таксама сталі даражэйшымі. Нядаўна Мінбудархітэктуры нават вырашыла рэгуляваць цэны на 33 пазіцыі будматэрыялаў.
Але, магчыма, у хуткім часе як мінімум піламатэрыялы пачнуць таннець і без дзяржрэгулявання. Справа ў тым, што кошт ф'ючэрсаў на піламатэрыялы (lumber) у ЗША ўпаў да ўзроўню $500 за 1 тыс. футаў дошкі, або прыкладна $213 за кубаметр (кошт у ЗША разлічваецца за 1 тыс. цалевых дошак, што складае 2,35 м/куб.).
Пры гэтым яшчэ ў траўні ф'ючэрсы на драўніну на Чыкагскай таварнай біржы дасягалі рэкорднага ўзроўню ў $1733,5 за 1 тыс. футаў дошкі ($734,5 за 1 куб. м). За чатыры месяцы кантракты абваліліся больш чым на 70%. Цэны на драўніну ў ЗША практычна вярнуліся да дапандэмічнага ўзроўню.
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары