Інспекцыя Міністэрства па падатках і зборах Крычаўскага раёна зацікавілася былым іпэшнікам, які раней займаўся тэхабслугоўваннем і рамонтам аўто, а затым заснаваў кампанію продажу аўтазапчастак.
Вядома, што мужчына купляў за мяжой дарагія тавары, кошт якіх перавышаў выручку.
Акрамя гэтага, падатковая знайшла і іншыя падазроныя дзеянні: «З'яўляючыся службовай асобай суб'екта гаспадарання, неаднаразова ўносіў наяўныя грашовыя сродкі на разліковы рахунак арганізацыі ў якасці пазык. Акрамя таго, ім перададзеныя грашовыя сродкі ў буйным памеры па дамове захоўвання іншай фізічнай асобе».
У выніку выдаткаў аказалася больш, чым даходаў, на 500 тысяч рублёў. Цяпер мужчына павінен заплаціць у бюджэт 80,4 тысячы рублёў падаходнага падатку.
«У сувязі з нявыплатай вылічанай сумы падатку ва ўстаноўлены заканадаўствам тэрмін спагнанне праводзіцца ў прымусовым парадку. Акрамя таго, плацельшчык абмежаваны ў праве кіравання механічным транспартным сродкам, у праве выезду за межы тэрыторыі Рэспублікі Беларусь і наведвання ігральных устаноў», — гаворыцца ў паведамленні МПЗ.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5454
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ54
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары