«Тут не будзе вострасацыяльных тэмаў». Onlíner патлумачыў змены ў рэдакцыйнай палітыцы
Партал Onlíner — адно з нешматлікіх уцалелых недзяржаўных медыя ў Беларусі. Апошнім часам там паменела палітычных навін, а пасля яны наогул зніклі. Рэдакцыя распавяла, што адбываецца.
Такі зварот да чытачоў з'явіўся сёння на партале:
«У апошнія месяцы многія з вас маглі заўважыць перамены ў навіновай павестцы Onlíner. Сёння мы сфармулем асноўныя змены, каб дыстанцыя паміж намі заставалася мінімальнай.
Раздзел «Людзі», які стаў за апошнія гады нашым галоўным навіновым адлюстраваннем грамадскага жыцця, перастаў выконваць свае асноўныя функцыі. Кожны знойдзе ў гэтым свае прычыны і нагоды.
Нашае бачанне такое: Onlíner заўсёды прытрымліваўся стандартаў здаровага сэнсу, няма аднаго правільнага меркавання, трэба задаваць пытанні ўсім. Калі з нейкіх прычын выкананне гэтага прынцыпу немагчыма — тэкст не выходзіць.
Цяпер «Людзі» перастаюць займацца навінамі, але працягваюць займацца гісторыямі звычайных людзей.
Новым становіцца раздзел «Лайфстайл»: здароўе, псіхалогія, адносіны, культура і мода — усё тое, што фарміруе актуальныя грані чалавека кожны дзень. Тут не будзе вострасацыяльных тэмаў, крыміналу і надзвычайных здарэнняў.
Затое будзе шмат артыкулаў, якія дапамагаюць стаць лепшымі: разумнейшымі, больш начытаннымі, здаровымі і моцнымі. Па сутнасці, гэта рэдакцыя ў рэдакцыі — паўнавартасны інтэрнэт-часопіс, у якім штодзень публікуюцца гісторыі, рэпартажы, інтэрв'ю і нясумныя парады пра тое, як палепшыць сваё жыццё».
Навіны знікнуць з раздзела «Людзі». У іншых — пра фінансы, аўто, тэхналогіі і нерухомасць — яны застануцца.
«У астатніх раздзелах прынцыпова нічога не змяняецца. У «Людзях» будзем публікаваць толькі вялікія артыкулы пра лёсы людзей, пра моцных беларусаў, пра тых, каму патрэбна дапамога», — тлумачыць галоўны рэдактар Мікалай Градзюшка.
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі1
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары