Маці анархіста затрымалі па крымінальнай справе. Яе сына затрымаць не могуць — ён уцёк з краіны
Праваабаронцам стала вядома, што супраць Гаянэ Ахціян — маці анархіста Рамана Халілава — завялі крымінальную справу па ч. 1 арт. 342 КК (арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх).
З Полацка жанчыну перавезлі ў ІЧУ на Акрэсціна ў Мінску. Пры гэтым, яна яшчэ нават не адбыла 10-сутачны адміністрацыйны арышт за непадпарадкаванне міліцыянтам.
Нагадаем, 26 лістапада сілавікі выламалі дзверы кватэры Гаянэ і правялі ператрус. Саму жанчыну затрымалі і даставілі ў Полацкі ГАУС, дзе склалі пратакол па арт. 24.3 КаАП (непадпарадкаванне супрацоўнікам міліцыі). У той жа дзень суд прызначыў Гаянэ 10-сутачны арышт.
Сам Раман Халілаў пакінуў Беларусь. Разам з іншымі анархістамі 29 верасня пасля забойства супрацоўніка КДБ ён правёў акцыю каля пасольства Беларусі ў Варшаве. СК тады паведамляў, што ўдзельнікі акцыі распаўсюджвалі звесткі, «накіраваныя на распальванне сацыяльнай варожасці, а таксама якія гераізуюць тэрарыстычную дзейнасць».
Была заведзеная крымінальная справа па ч. 3 арт. 130 (дзеянні, накіраваныя на ўзбуджэнне сацыяльнай варожасці і варожасці па прыкметах іншай сацыяльнай прыналежнасці) Крымінальнага кодэкса.
Цяпер чытаюць
Пачобут паразважаў, ад чаго залежыць будучыня Беларусі1
Каментары