Дар'я Лосік запісала зварот да Лукашэнкі, у якім прапанавала абмяняць сябе на мужа ВІДЭА
«Радыё Свабода» апублікавала відэазварот жонкі палітвязня Ігара Лосіка Дар'і. У ім дзяўчына кажа, што гатовая сесці ў турму ўзамен на вызваленне мужа і яго ад'езд з краіны разам з дачкой.
«Я гатовая добраахвотна сесці ў беларускую турму і ўзяць на сябе ўсе крымінальныя артыкулы Ігара ўзамен на ягоную свабоду. Калі вам вельмі хочацца, вы можаце мне накінуць яшчэ парачку крымінальных спраў для атрымання большай асалоды. Я іду на такі крок толькі пры ўмове, што Ігар з дачкой пакіне краіну. Вы нічога не губляеце, бо ў вашай краме чалавечых лёсаў іх колькасць застанецца той жа», — заявіла жонка палітвязня.
Ігара Лосіка затрымалі роўна два гады таму, 25 чэрвеня 2020 года, у снежні 2021 года яму прысудзілі 15 гадоў калоніі.
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі10
Каментары