На выніковым турніры Асацыяцыі тэнісістаў‑прафесіяналаў (АТР) у Лондане працягваюцца чарговыя матчы.
На парным турніры ў групе «В» беларус Максім Мірны і ізраільцянін Эндзі Рам правялі найскладанейшую сустрэчу з дуэтам Лукаш Кубат (Польшча) — Аліўе Марак (Аўстрыя). У першым сэце Мірны і Рам выйгралі 6:4, у другім прайгралі з тым жа лікам, а ў вырашальным зноў саступілі ў найцяжэйшай барацьбе — 14:16. Гэта ўжо другая перамога Кубата і Марака ў Лондане, і яны выйшлі ў лідэры групы В.
Беларуска‑ізраільскі тандэм у першым матчы гэтых спаборніцтваў выйграў у амерыканцаў Боба і Майка Браянаў — 6:4, 6:4.
У заключным матчы Максім Мірны і Эндзі Рам сустрэнуцца з парай Леандр Паес (Індыя) ‑‑ Лукаш Длоўхі (Чэхія).
У паўфінал выніковага турніру АТР, які завершыцца 29 лістапада, выйдуць дзве лепшыя пары.
Цяпер чытаюць
Мінскі школьнік праспаў прыпынак. Але кіроўца аўтобуса давёз яго дадому!1
Мінскі школьнік праспаў прыпынак. Але кіроўца аўтобуса давёз яго дадому!
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары