У бліжэйшыя дні воблачна з праясненнямі

Згодна з прагнозамі Рэспубліканскага гідраметэацэнтра, у найбліжэйшыя суткі, 25 жніўня, у Беларусі чакаецца воблачна з праясненнямі. На большай частцы тэрыторыі пройдуць кароткачасовыя дажджы, у асобных раёнах навальніцы і моцныя дажджы. Вецер заходні, паўднёва-заходні 5–10 м/с, месцамі парывы да 15–20 м/с. Тэмпература паветра ноччу 13–19°С, днём 19–25°С.

У Мінску 25 жніўня чакаецца воблачна з праясненнямі. Кароткачасовы дождж, магчыма навальніца. Вецер заходні, паўднёва-заходні 5–10 м/с, парывы да 14 м/с. Тэмпература паветра ноччу 15–17°С, днём 20–22°С.

26 жніўня сіноптыкі прагназуюць у Беларусі воблачнае з праясненнямі надвор’е. На большай частцы тэрыторыі пройдуць кароткачасовыя дажджы, днём месцамі навальніцы. Вецер заходні 6–11 м/с, ноччу месцамі, днём у многіх раёнах парывы да 15–20 м/с. Тэмпература паветра ноччу 9–14°С, днём 15–22°С.

27 жніўня воблачна. На большай частцы тэрыторыі краіны прагназуюцца дажджы, месцамі моцныя дажджы, навальніцы. Вецер паўднёва-заходні, заходні 5–10 м/с, пры навальніцах у асобных раёнах парывы да 15–20 м/с. Тэмпература паветра ноччу 8–15°С, днём 15–22°С, па поўдні да 25°С.

У Мінску 26 жніўня чакаецца воблачнае з праясненнямі надвор’е. Кароткачасовыя дажджы, днём магчыма навальніца. Вецер заходні 6–11 м/с, раніцай і днём парывы да 15–18 м/с. Тэмпература паветра ноччу 10–12°С, днём каля 18°С.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ