З Брэста ў Гродна праз Белавежскую пушчу за дзве гадзіны
Гэта не магістраль, а, хутчэй, звілісты турыстычны маршрут. У адным месцы сучасную трасу нават на некалькі метраў перарывае старая брукаванка.
7 лістапада афіцыйна адчыніцца новая траса, якая, агінаючы Белавежскую пушчу, злучыла Брэст і Гродна. Новую дарогу пабудавалі ў рэкордныя тэрміны за паўтара года. Агульны аб’ём інвестыцый у праект склаў па стане на сярэдзіну 2010 года каля 331 мільярда рублёў.
Агульная працягласць дарогі складае каля 230 км, новы ўчастак — каля 200. Якасць трасы не горшая, чым у Германіі.
«Ідэальна роўнае пакрыццё, выдатная ілюмінацыя святлоадбівальнікамі, яркая разметка, абсталяваныя пляцоўкі для адпачынку».На непасрэднай адлегласці ад трасы амаль не трапляецца населеных пунктаў, што дазваляе скараціць час у дарозе.
Мінусы — дарога надзвычай звілістая, мае шмат закругленняў; на ўсім працягу няма ніводнай АЗС (адна станцыя пакуль будуецца).
Праходжанне трасы праз пушчу накладае адбітак на афармленне.
У месцах найбольш верагоднага выхаду на дарогу дзікай жывёлы траса ў вялікай колькасці абсталяваная адмысловымі падземнымі пераходамі.
Прыпыначныя пункты для адпачынку маюць назвы мясцовых звяроў. Напрыклад, пляцоўка адпачынку «Воўк».
Адной з адметнасцяў новай дарогі з’яўляецца яе невялікі ўчастак у вёсцы Лыскава Пружанскага раёна. Насупраць Траецкага касцёла ХІХ ст. сучасную трасу на некалькі метраў перарывае старая брукаванка.
Цалкам фотарэпартаж чытайце і глядзіце ТУТ.
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі17
Каментары