Prezident ZŠA Donald Tramp dapuściŭ mahčymaść sustrečy padčas svajho chutkaha vizitu ŭ Kitaj ź lidaram KNDR Kim Čen Ynam. Pra heta jon zajaviŭ žurnalistam kala Biełaha doma pierad adjezdam u azijackaje turne, paviedamlaje Euronews.

Pieršym punktam pajezdki stanuć Filipiny, kudy Tramp pavinien prybyć uviečary ŭ aŭtorak pavodle miascovaha času. Zatym jon nakirujecca ŭ Kitaj. Na čaćvier, 19 listapada, u horadzie Šeńdžeń zapłanavanyja trochbakovyja pieramovy amierykanskaha prezidenta z kiraŭnikom Rasii Uładzimiram Pucinym i staršynioj KNR Si Dzińpinam. Sustreča projdzie na palach samitu Azijacka-Cichaakijanskaha ekanamičnaha supracoŭnictva (ACES).
«My možam sustrecca i z Kim Čen Ynam. Heta było b niadrenna. U nas jość šaniec šmat čaho dasiahnuć», — skazaŭ Tramp.
Adnoj z hałoŭnych tem pieramoŭ z Pucinym i Si Dzińpinam stanie jadziernaje razzbrajeńnie. Amierykanski prezident nazvaŭ heta składanym pytańniem, pakolki dziaržavam ciažka pahadzicca na admovu ad ułasnaj jadziernaj zbroi, asabliva z ulikam taho, što jana jość i ŭ inšych krain.
Akramia taho, lidary płanujuć abmierkavać kanflikty vakoł Irana i Ukrainy, a taksama pytańni ekanomiki i handlu.
U žniŭni Tramp stanoŭča vykazvaŭsia pra svaje adnosiny z Kim Čen Ynam i dapuskaŭ, što jany mohuć sustrecca da kanca hoda, adnak tady nie nazyvaŭ kankretnych terminaŭ. Jon adznačaŭ, što dobryja adnosiny z paŭnočnakarejskim lidaram — heta stanoŭčy momant, i śćviardžaŭ, što KNDR maje 57 mahutnych jadziernych bojehałovak. Tramp taksama zajaŭlaŭ, što nie dapuściŭ by takoj situacyi, kali b byŭ prezidentam raniej.
U vieraśni hienieralny dyrektar Mižnarodnaha ahienctva pa atamnaj enierhii Rafael Hrosi nazvaŭ paviedamleńni pra pašyreńnie ŭ Paŭnočnaj Karei vytvorčaści jadziernych materyjałaŭ zbrojnaj jakaści surjoznaj padstavaj dla zaniepakojenaści.
Ciapier čytajuć
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
«Dajcie kruhłuju sumu i hod — budzie vam luby šedeŭr Mikiełandžeła!» Ułady zapatrabavali pierarabić «Bychaŭskuju madonnu». Aŭtar padtočvaje jaje bałharkaj
Dyrektar Viciebskaha centra sučasnaha mastactva Andrej Duchoŭnikaŭ pierajechaŭ u Sierbiju — jon raskazaŭ pra danosy ŭ kultury, nieadukavanaść ministraŭ i čyj ža Šahał
Kamientary