Śviet

Le Pien: Francyja pry mnie nie budzie akazvać Ukrainie novaj finansavaj dapamohi, ale papiarednija abaviazacielstvy vykanaje

Lidarka francuzskich pravych Maryn Le Pien zajaviła, što ŭ vypadku abrańnia prezidentam Francyi ŭ nastupnym hodzie spynić vydaču Ukrainie novaj finansavaj dapamohi. Pavodle jaje, stan dziaržaŭnych finansaŭ krainy bolš nie dazvalaje praciahvać takuju padtrymku ŭ najbližejšyja miesiacy. Pry hetym Francyja vykanaje ŭžo ŭziatyja abaviazacielstvy, u tym liku datyčnyja sumiesnaj pazyki Jeŭrasajuza na 90 miljardaŭ jeŭra, paviedamlaje Deutsche Welle.

Maryn Le Pien. Fota: Vikipiedyja

Pra heta Le Pien paviedamiła 16 listapada paśla sustrečy ŭ Paryžy z pasłom Ukrainy Vadzimam Amielčankam. Heta była pieršaja jaje sustreča z ukrainskim dypłamatam.

Niahledziačy na namier skaracić finansavuju dapamohu, francuzskaja palityk zajaviła, što Francyja praciahnie padtrymlivać Ukrainu pastaŭkami abstalavańnia, humanitarnaj dapamohaj i bolš aktyŭnaj dypłamatyčnaj dziejnaściu. Le Pien taksama padkreśliła, što dasiahnieńnie miru pavinna zastavacca pryjarytetam.

Maryn Le Pien, jakaja ciapier lidziruje ŭ apytańniach siarod mahčymych kandydataŭ na źmienu Emanuelu Makronu, raniej zakidali suviazi z Rasijaj. Jana sustrakałasia z Uładzimiram Pucinym u Kramli ŭ 2017 hodzie, a jaje partyja atrymlivała kredyt ad rasijskaha banka, jaki byŭ całkam pahašany ŭ 2023-m. Pry hetym Le Pien asudziła rasijskaje ŭvarvańnie va Ukrainu i zajaviła, što z pačatku vajny niaźmienna padtrymlivaje Ukrainu.

Jana taksama paprasiła pieradać Uładzimiru Zialenskamu, što hatovaja sustrecca ź im u Paryžy abo Brusieli. Pra mahčymy ŭłasny vizit u Kijeŭ, niahledziačy na zaprašeńnie ŭkrainskaha prezidenta, u zajavie nie zhadvałasia.

Apanienty Le Pien aścierahajucca, što jaje imknieńnie da chutkaha zaviaršeńnia vajny moža padšturchnuć Ukrainu pryniać niavyhadnyja ŭmovy miru. Emanuel Makron, kamientujučy heta pytańnie, zajaviŭ, što kali Rasija zmoža naviazać svaju volu jeŭrapiejskaj krainie siłaj, asłablenaj budzie ŭsia Jeŭropa. Jon taksama papiaredziŭ, što sproby abmiežavać resursy, dastupnyja Ukrainie, faktyčna padšturchoŭvajuć da niespraviadlivaha miru, jaki pakinie Ukrainu i Jeŭropu ŭraźlivymi.

Kamientary

Ciapier čytajuć

Na kancert Kadyšavaj u Minsku ŭ kakošnikach pryjšli navat mužčyny80

Na kancert Kadyšavaj u Minsku ŭ kakošnikach pryjšli navat mužčyny

Usie naviny →
Usie naviny

Kitajski markietpłejs Temu sam prapanavaŭ biełaruscy supracoŭnictva, ale źliŭsia, kali daviedaŭsia jaje hramadzianstva13

Minabarony raskazała, jak nad Biełaruśsiu źbivajuć zabłukałyja drony2

Ź Janam Pamiedoram Reuckim raźvitalisia ŭ Varšavie

Kankurent Starlink straciŭ 40 spadarožnikaŭ: rakieta nie dalacieła da arbity

Sabalenka adkaciłasia na treciaje miesca ŭ suśvietnym rejtynhu

Serca — amal adziny orhan, jaki nie chvareje na rak. Navukoŭcy pačynajuć razumieć čamu1

Hrecki ahoń, antykiterski miechanizm, silfij dy inšyja stračanyja vynachodnictvy. Čamu čałaviectva ich zabyła?1

Arhazm jość, a śpiermy niama. Što takoje retrahradnaja ejakulacyja i čym jana niebiaśpiečnaja11

Zialenski zajaviŭ, što Ukraina spyniła bolš za pałovu rasijskaj naftapierapracoŭki7

bolš čytanych navin
bolš łajkanych navin

Na kancert Kadyšavaj u Minsku ŭ kakošnikach pryjšli navat mužčyny80

Na kancert Kadyšavaj u Minsku ŭ kakošnikach pryjšli navat mužčyny

Hałoŭnaje
Usie naviny →

Zaŭvaha:

 

 

 

 

Zakryć Paviedamić