Пасьля ліквідацыі аварыі цыстэрну да вечара ахалоджвалі вадой з пажарнага цягніка.
6 жніўня а 10.50 на станцыі Нежын Чарнігаўскай вобласьці Ўкраіны пасьля расфармаваньня цягніка, што кіраваўся з Наваполацку да станцыі Басы ў Сумскай вобласьці, з чыгуначнай цыстэрны празь верхні засьцерагальны кляпан выцекла 20 літраў сернай кіслаты, што прывяло да забруджваньня грунту на тэрыторыі чыгуначнай станцыі.
Цыстэрну адагналі на запасную каляіну за межамі станцыі і а 13‑й гадзне спынілі выцяканьне кіслаты. Увесь дзень, да 18‑й вечара, цыстэрну ахалоджвалі пажарным цягніком, а пасьля, калі сьпёка спала, адправілі далей да месца прызначэньня.
Забруджаны грунт сабралі, каб зьнішчыць. Мясцовыя жыхары, працаўнікі чыгункі й ліквідатары здарэньня не пацярпелі. Не былі таксама пашкоджаныя ні кантактная сетка, ні чыгуначныя каляіны.
Цяпер чытаюць
На Мінскім паўмарафоне памёр 50‑гадовы бягун. Вось што вядома пра Аляксея Дашыневіча20
Каментары