Уладзімір Пуцін, адказваючы на пытанні падчас міжнароднага дыскусійнага клуба «Валдай» у Сочы, распавёў пра тое, як былы прэзідэнт Украіны Віктар Януковіч апынуўся ў Расіі.
Па словах Пуціна, пасля падпісання пагаднення паміж Януковічам і апазіцыяй Януковіч адправіўся з Кіева ў Харкаў, хоць расейскі калега раіў яму гэтага не рабіць.
«Я яму адказаў, што сумняваюся, што ўсё так будзе добра, але гэта яго справа, ён жа прэзідэнт <…> Ён з'ехаў і даў каманду вывесці ўсе сілы правапарадку з Кіева», — сказаў Пуцін.
«Не буду хаваць, мы дапамаглі яму (Януковічу) перабрацца ў Крым, і ён там яшчэ знаходзіўся на працягу некалькіх дзён, у Крыме — на той перыяд часу Крым быў часткай Украіны», — распавёў кіраўнік расійскай дзяржавы.
«У такіх умовах у Кіеў яму было вяртацца ўжо бессэнсоўна <…> Усе забыліся пра дамоўленасці і подпісы. Ён (Януковіч) папрасіў вывезці яго ў Расію, што мы і зрабілі. Вось і ўсё», — сказаў на заканчэнне прэзідэнт.
Цяпер чытаюць
Хто забараняе ў Беларусі кнігі — вось гэтыя 22 чалавекі32
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары