На «Камяніцы» выступяць «Стары Ольса», Vuraj і Znich і замежныя госці
Украінцы «Дримба Да Дзига», палякі Dzikie Jablka, эстонцы Trad Attack.
Традыцыйны фольк-фестываль «Камяніца», што пройдзе ў Музеі народнай архітэктуры 5 верасня, абвесціў музычных хэдлайнераў.
Дарослы квіток каштуе 100 тысяч, дзіцячы — 50, дашкольнікі і наведнікі ў поўным (ад абутку да галаўнога ўбору) нацыянальным строі — бясплатна.
Фэст будзе доўжыцца з 12 дня да 10 ночы.
Асновай праграмы стануць беларусы «Стары Ольса», «Альтанка», «Ягорава гара», Vuraj і Znich, прыедуць і госці з-за мяжы.
Упершыню на «Камяніцы» выступіць прадстаўнік Эстоніі. За паўтара года існавання фолк-гурт Trad Attack! ужо стаў сенсацыяй на радзіме, а таксама зачараваў гледачоў у дзясятку іншых краін, у тым ліку Нямеччыне, Малайзіі, ЗША, распавядаюць арганізатары.
Польшчу будзе прадстаўляць калектыў Dzikie Jablka, уладальнік гран-пры прэстыжнага фестывалю Mikolajki Folkowe, які спалучае народны матэрыял з афрыканскімі рытмамі.
Украіну – гарачыя фолк-рокеры «Дримба Да Дзига».
На фэсце будзе і другая сцэна, на якой выступяць студэнцкія і аматарскія фолк-калектывы, і кірмаш нацыянальнай культуры з народнымі рамёствамі, танцамі, гульнямі і выставамі. Музыкаў і рамеснікаў просяць рэгістравацца да 25 жніўня.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы19
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары