Вайсковыя начальнікі не дажылі і да 60 гадоў.
У Расіі на працягу некалькіх тыдняў ад невядомых прычын памерлі некалькі ўплывовых спецслужбістаў.
Перад Новым годам памёр намеснік начальніка штаба паветрана-дэсантных войскаў Расіі Аляксандр Шушукін. 51-гадовы генерал-маёр узначальваў дэсантны кантынгент Расіі пры анэксіі Крыма, а да таго ачольваў спецаперацыю ў Асеціі. Прычынай смерці аб’яўлены тромб у сэрцы.
А адразу пасля Новага года стала вядома пра смерць начальніка Галоўнага разведвальнага ўпраўлення Узброеных сіл Расіі Ігара Сергуна. Яму было 58 гадоў, і апошнія тры дзесяцігоддзі ён працаваў у выведцы. Падрабязная біяграфія Сергуна з’яўляецца дзяржаўнай таямніцай. ГРУ – звышсакрэтная структура.
Можна толькі сказаць, што менавіта Сергун узначальваў сакрэтныя аперацыі ў Данецкай і Луганскай абласцях Украіны, у выніку чаго былі створаныя так званыя «Данецкая і Луганская Народныя Рэспублікі». Сярод палонных, узятых украінскай арміяй, былі і два байцы, што прызналіся ў сваёй службе ў ГРУ.
Прычына смерці Сергуна не называецца. Ніякіх версій пакуль не падаюць і расійскія СМІ.
Цяпер чытаюць
«Адпусціце, калі ласка, сына!» Амерыканца з амнезіяй, які нелегальна прыехаў у Беларусь, не аддаюць маці2
Каментары