Экс-міністр фінансаў Расіі падтрымаў Лукашэнку ў пытанні павышэння пенсійнага ўзросту
Былы міністр фінансаў Расіі Аляксей Кудрын ухваліў рашэнне беларускіх уладаў аб павышэнні пенсійнага ўзросту. Пра гэта экс-кіраўнік Мінфіна РФ напісаў у сваім твітары.
«Бацька павышае пенсійны ўзрост. Своечасова і рацыянальна», — напісаў Аляксей Кудрын.
Нагадаем, на нарадзе ў кіраўніка Беларусі 25 сакавіка было агучана, што пенсійны ўзрост ўсё ж падымуць. Самым прымальным варыянтам павышэння пенсійнага ўзросту было названа паступовае павышэнне, з крокам па паўгода пачынаючы з 1 студзеня 2017 года, пенсійнага ўзросту, жанчынам — да 58, мужчынам — да 63 гадоў. Павышэнне пенсійнага ўзросту таксама закране і вайскоўцаў, і дзяржслужачых.
Чакаецца, што дакумент аб удасканаленні пенсійнай сістэмы Лукашэнка падпіша ўжо на гэтым тыдні.
Цяпер пенсійны ўзрост у Беларусі ўстаноўлены на ўзроўні 55 гадоў для жанчын і 60 гадоў — для мужчын.
Што вядома пра віцебчука, якога вінавацяць у спробе падрыву самалёта ў Германіі12
Каментары