Міністэрства антыманапольнага рэгулявання і гандлю разаслала ва ўпраўленні гандлю і паслуг аблвыканкамаў і Мінскі гарвыканкам інструкцыю пра арганізацыю абслугоўвання выбаршчыкаў.
Міністэрства распісала, што мусяць зрабіць названыя структуры, каб стварыць «святочны настрой, забяспечыць высокую якасць абслугоўвання і прывабнасць паслуг грамадскага харчавання» 11 верасня ў час правядзення выбараў у Палату прадстаўнікоў 6 склікання.
Міністэрства рэкамендуе забяспечыць наяўнасць разнастайнай прадукцыі грамадскага харчавання, у тым ліку беларускай нацыянальнай кухні, садавіны і напояў, сувенірнай і друкаванай прадукцыі. Вядома, са зніжкамі «на асобныя тавары і прадукцыю грамадскага харчавання».
Установам гандлю рэкамендуецца таксама забяспечыць правядзенне дэгустацый.
Міністэрства рэкамендуе даць магчымасць безнаяўнага разліку пакупнікам праз карткі БелКарт і міжнароднай плацёжнай сістэмы Visa і MasterCard.
Інструкцыю падпісала намесніца міністра Ірына Наркевіч. Паглядзець дакумент можна тут.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1919
Каментары