Марзалюк: Неабходна стварыць Інстытут нацыянальнай памяці, каб адсочваць гістарычную палітыку суседзяў і апанентаў
Дэпутат, доктар гістарычных навук Ігар Марзалюк апублікаваў на Sb.by праграмны тэкст пра сваё бачанне патрыятызму.
Ён звяртае ўвагу на галоўную праблему, якая стаіць перад беларускім грамадствам. На думку Марзалюка, гэта фрагментарны і разрознены падыход да гісторыі Беларусі і дзяржаўнасці.
Ён мяркуе, што ў самыя кароткія тэрміны мусіць быць распрацаваная навуковая канцэпцыя нацыянальнай гісторыі. Якой мусіць быць яе сутнасць
«Зразумець і прыняць і гераічнае, і трагічнае, што адбылося ў нашай краіне, навучыцца слухаць і чуць адзін аднаго, не забываць галоўнае - радыкальная палітызацыя гістарычнага мінулага багатая сур'ёзнымі сацыяльнымі катаклізмамі», — піша Марзалюк.
Ён прапануе правесці Кангрэс беларускіх гісторыкаў, якому будзе папярэднічаць работа па выпрацоўцы агульных пазіцый.
Апроч таго, як мяркуе Марзалюк, неабходна стварыць Інстытут нацыянальнай памяці як каардынацыйны і экспертны цэнтр, які дазваляе выразна і дакладна вызначаць нашы прыярытэты і аб'ектыўны вобраз нашага мінулага, пастаянна адсочваць гістарычную палітыку нашых суседзяў і апанентаў, аператыўна рэагаваць на спробы фальсіфікацыі і скажэнні гісторыі Беларусі.
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары