Сезонны ўздым захворвання на вострыя рэспіраторныя інфекцыі неўзабаве пойдзе на спад, заявіла намесніца міністра аховы здароўя — галоўны дзяржаўны санітарны доктар Беларусі Наталля Жукава ў інтэрв'ю праграме «Галоўны эфір» на тэлеканале «Беларусь 1», паведамляе БелТА.
Як адзначыла Наталля Жукава, чакаецца, што сезонны ўздым працягнецца яшчэ тыдні два. Цяперашні ўзровень захворвання характэрны для дадзенага перыяду, потым, як чакаецца, сітуацыя пойдзе на спад.
Па словах Наталлі Жукавай, зараз рэгіструецца пік захворвання на грып і ВРВІ. У некаторых рэгіёнах, напрыклад у Брэсцкай вобласці, захворванне ніжэйшае за сярэдні ўзровень па краіне, у Гомелі — крыху вышэйшае. Па выніках эпіднагляду, у пікавыя тыдні вірус грыпу сустракаецца не больш чым у 20% усіх хворых.
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі5
Каментары