Штаб Бабарыкі: Патрабуем спыніць бесчалавечны пераслед сваіх прыхільнікаў
У камандзе Віктара Бабарыкі «НН» паведамілі, што ўвечары 16 чэрвеня суд Маскоўскага раёна разглядаў скаргі Святланы Купрэевай і яе адваката на затрыманне. Пасяджэнне адбывалася пры зачыненых дзвярах, скаргі былі адхіленыя.
Абвінавачанне Святлане Купрэевай пакуль не выставілі. У СІЗА КДБ яна знаходзіцца ад 11 чэрвеня ў якасці падазраванай.
«Дачыненне Купрэевай да якіх-небудзь супрацьзаконных дзеянняў выклікае вялікія сумневы, паколькі яна не працавала ні ў Белгазпрамбанку, ні ў адной з фірмаў, дзе праходзілі ператрусы. Яна толькі з'яўляецца сяброўкай Віктара Бабарыкі», — гавораць у штабе.
«Штаб Віктара Бабарыкі патрабуе спыніць бесчалавечны пераслед сваіх прыхільнікаў», — адзначаецца ў заяве.
Адвакат яшчэ ні разу не змог трапіць да Купрэевай. Адносна гэтага факта была пададзена скарга ў Генеральную пракуратуру.
Святлана Купрэева — сябра сям’і Віктара Бабарыкі, а таксама каардынатар ініцыятыўнай групы кандыдата па адным з раёнаў Мінска.
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі9
Каментары