Крышціяну Раналду прапанавалі кантракт на 243 мільёны еўра ў год, але ён адмовіўся
Партугальскі футбаліст Крышціяну Раналду мог падпісаць гэтым летам кантракт з клубам з Саудаўскай Аравіі з вельмі вялікім заробкам. Аднак 37-гадовы форвард англійскага «Манчэстэр Юнайтэд» і нацыянальнай зборнай Партугаліі адмовіўся ад такой магчымасці, паведамляе выданне Mirror.
Паводле ўмоваў кантракту Ранадду мог зарабіць 243 мільёны еўра ў год, што аўтаматычна зрабіла б яго самым высокааплатным футбалістаў у свеце. Аднак знакаміты форвард адмовіўся ад прапановы, бо не захацеў пераязджаць у Саудаўскую Аравію.
Пры гэтым апошнім часам Раналду вельмі незадаволены колькасцю часу, які яму даюць гуляць у складзе «чырвоных д'яблаў». Таму не выключана, што ўзімку ён можа ўсё ж такі яшчэ раз сур'ёзна падумаць над прапановай саудаўцаў.
На гэта вельмі спадзяюцца ў мясцовай федэрацыі футбола. Прэзідэнт арганізацыі Ясер Аль-Місэхаль выказаў надзею, што ў будучыні Раналду ўсё ж прыме прапанову адной з каманд краіны. «Мы хацелі б, каб такі гулец, як Крышціяну Раналду, гуляў у Лізе Саудаўскай Аравіі. Гэта прынесла б велізарную колькасць станоўчых водгукаў і стала б вялікай навіной для ўсіх».
Пашпарт Новай Беларусі пачнуць выдаваць з 26 студзеня. Што вядома і як атрымаць?46
Каментары