Расійскі амбудсмен Таццяна Маскалькова распавяла ў тэлеграме, што ў Беларусі правяла перамовы з прадстаўніком офіса Упаўнаважанага Вярхоўнай Рады Украіны па правах чалавека.
Фота: ombudsmanrf / Telegram
Па словах Маскальковай, сустрэча адбылася пры садзейнічанні беларускага боку. У часе перагавораў абмяркоўваліся пытанні ўз'яднання сем'яў, наведвання ваеннапалонных і фарміравання ім пасылак. Бакі таксама абмяняліся лістамі ад палонных для сваіх сваякоў.
Іншых падрабязнасцей пра змест размовы або выніках сустрэчы Маскалькова не прывяла. Украінскі бок перамовы не каментаваў.
24 жніўня Украіна і Расія правялі абмен палоннымі пры пасярэдніцтве Аб’яднаных Арабскіх Эміратаў. Кожны бок вярнуў па 146 чалавек, абмен, як заўсёды, ішоў праз Беларусь.
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі15
Каментары
Нажаль і далей з усімі суууседзямі жыць побач І ні тое убачыце .
Таму ні здзіўляйцесь ...