Відэа з Ельска.
Актывісткі ўкраінскай арганізацыі Femen дэпартаваны з Беларусі. Прыблізна, а першай гадзіне ночы 21 снежня да задняга ўваходу будынка Ельскага РАУС, дзе знаходзіліся актывісткі, пад'ехаў дыпламатычны аўтамабіль з консулам Украіны. Дзяўчат вывелі, пасадзілі ў аўтамабіль консула, і машына ў суправаджэнні пагранічнікаў на «УАЗе» выехала з двара РАУС.
«Нам не задавалі пытанняў, толькі пагражалі, што заб’юць. Мы некалькі гадзін хадзілі па лесе, не ведалі, куды падзецца, пасля чаго вырашылі ісці па дарозе. Дайшлі да маленькага пасёлка, дзе людзі дапамаглі нам, далі прытулак, тэлефон. Мы змаглі звязацца з нашымі ўкраінскімі калегамі. Потым прыехала міліцыя, спадзяемся, што зараз мы ў бяспецы», — паведамілі актывісткі Femen пасля медагляду ў раённай бальніцы, куды іх адвезлі пасля затрымання ў вёсцы Бякі.
У бальніцы значных пашкоджанняў у іх не выявілі, у асноўным — гематомы на руках і іншых частках цела.
Як раней паведамлялася, 19 снежня ў Мінску тры актывісткі Femen Іна Шаўчэнка, Аксана Шачко і Аляксандра Нямчынава, агаліўшыся па пояс, перад уваходам у будынак КДБ на працягу некалькіх хвілін трымалі плакаты з надпісамі Freedom to political prisoners («Свабоду палітычным зняволеным» — англ.) і «Жыве Беларусь!». Гэты ж лозунг, «Жыве Беларусь!», яны скандавалі. Акцыя была прымеркавана да гадавіны разгону апазіцыйнага мітынгу 19 снежня 2010 года, удзельнікі якога былі не згодныя з афіцыйнымі вынікамі прэзідэнцкіх выбараў.
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі4
Каментары