Zasnavalnik mižnarodnych spabornictvaŭ dla paranienych vajskoŭcaŭ asabista naviedaŭ adboračnyja tury va ŭkrainskim horadzie. Heta ŭžo nie pieršy vizit pradstaŭnika brytanskaj karaleŭskaj siamji va Ukrainu z pačatku poŭnamaštabnaj vajny.
Jak paviedamlaje vydańnie «Ukrainskaja praŭda» sa spasyłkaj na kiraŭnika Lvoŭskaj abłasnoj vajennaj administracyi Maksima Kazickaha, brytanski prync Hary prybyŭ na Usieŭkrainskija «Hulni niaskoranych» u Lvoŭ. Pradstaŭnik karaleŭskaj siamji asabista padtrymaŭ ukrainskich abaroncaŭ padčas spabornictvaŭ pa rehbi na invalidnych vazkach. Mienavita jon u 2014 hodzie vystupiŭ zasnavalnikam mižnarodnych Invictus Games dla reabilitacyi i sacyjalizacyi vieteranaŭ, jakija atrymali ranieńni na poli boju.
Sioleta na adboračnyja hulni ŭ Lvovie zarehistravalisia kala 500 udzielnikaŭ z usioj terytoryi Ukrainy. Pa vynikach ciapierašnich spabornictvaŭ arhanizatary sfarmujuć nacyjanalnuju kamandu, u jakuju ŭvojduć 60 vieteranaŭ i dziejnych vajskoŭcaŭ. U 2027 hodzie jany buduć pradstaŭlać krainu na mižnarodnych «Hulniach niaskoranych» u brytanskim Birminhiemie.
Ciapierašni vizit prynca Hary va Ukrainu staŭ nie pieršym za hety hod. Viasnoj, 24 krasavika 2026 hoda, jon užo naviedvaŭ krainu dla ŭdziełu ŭ Kijeŭskim forumie biaśpieki. Padčas svajho vystupu na mierapryjemstvie brytanski prync naŭprost zaklikaŭ Złučanyja Štaty Amieryki jak adnaho z harantaŭ Budapiešckaha miemaranduma prajavić lidarstva ŭ vajskovaj i finansavaj padtrymcy Ukrainy.
U miežach krasavickaj pajezdki jon taksama naviedaŭ horad Buča ŭ Kijeŭskaj vobłaści, jaki paśla rasijskaj akupacyi viasnoj 2022 hoda staŭ simvałam vajennych złačynstvaŭ suprać cyvilnaha nasielnictva.
-
Zialenski zajaviŭ, što praz abmiežavańni ŭ sistemie Starshield ukrainskija drony nie mohuć dahnać reaktyŭnyja «Šachiedy». U SpaceX kažuć pra techničny zboj
-
Ukraina naniesła ŭdar pa aeradromie Achtubinska kala Astrachani, u hłybini Rasii
-
Bolš tannyja balistyčnyja rakiety radykalna mianiajuć praviły vajny
Ciapier čytajuć
Dyrektar Viciebskaha centra sučasnaha mastactva Andrej Duchoŭnikaŭ pierajechaŭ u Sierbiju — jon raskazaŭ pra danosy ŭ kultury, nieadukavanaść ministraŭ i čyj ža Šahał8
Kamientary