Zialenski zajaviŭ, što Tramp i Si zdolnyja prymusić Pucina spynić vajnu
Prezident Ukrainy zajaviŭ, što ZŠA i Kitaj majuć dastatkova ŭpłyvu, kab prymusić kiraŭnika Kramla Pucina spynić vajnu. Pra heta Zialenski zajaviŭ u intervju telekanału NBC News, paviedamlaje «Ukrainskaja praŭda»

Fota: Win McNamee/Getty Images
Pavodle słoŭ Zialenskaha, vajna pačynajecca na poli boju, i «luby prahres na šlachu da miru mahčymy tolki pry ŭmovie spynieńnia ahniu na poli boju».
Akramia taho, jon dadaŭ, što Kitaju i ZŠA chopić upłyvu, kab zaviaršyć vajnu. Na dumku Zialenskaha, hetyja krainy majuć dastatkova mahčymaściaŭ, kab spynić Pucina «padčas adnoj sustrečy».
«Kali Kitaj i ZŠA ŭviaduć sankcyi abo zajaviać, što ŭviaduć ich, spyniać ekspart i impart pamiž Rasijaj i hetymi krainami — heta budzie kaniec vajny», — skazaŭ Zialenski.
Kamientary