Трагічна загінуў удзельнік «Майстроўні», прафесар Ігар Міклашэвіч
Ігар быў доктарам навук, прафесарам, загадчыкам лабараторыі ў Тэхнічным універсітэце, пісьменнікам (псеўданім Стах Дзедзіч). Са сваёй жонкай Рытай Гвоздзік яны пазнаёміліся трыццаць гадоў таму ў Беларускай Майстроўні. У Ігара застаўся сын Стах, які стаў менеджарам, і дачка Яважына — дызайнерка моды.
Паплечнік Вінцук Вячорка ўзгадвае Ігара Міклашэвіча:
«Гэта неверагодна, і так скажуць усе, хто ведаў Ігара. Што за праклён на нас накладзены, чаму зноў мы мусім казаць пра паплечнікаў у прошлым часе?!
Энергічны, фізік з адукацыі, Ігар унёс калісьці сваю энергію ў беларускі майстроўскі рух: інтэлектуальную і фізічную. Паслядоўны нацыянальны рамантык — пісьменнік Стах Дзедзіч — і ў той жа час грунтоўны беларус, укарэнены ў рэальнасць і таму здольны змяняць яе вакол сябе: беларускамоўны прафесар Тэхнічнага ўніверсітэта... А сям’я! Беларуская і беларускамоўная сям’я, дзе шчасліва адбыліся і бацькі, і дзеці... Дай Божа вытрываць гэты нечуваны ўдар і найглыбейшыя спачуванні жонцы Рыце, дзецям Стаху і Яважыне...»
Развітанне адбудзецца ў пятніцу ў Мінску а 13-й гадзіне па адрасе Ракасоўскага 55, дзе Ігар Міклашэвіч жыў. Пахаванне на могілках у Мінскім раёне, каля Сёмкавага Гарадка.
Гісторыя аднаго цуду: Міклашэвічы
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы12
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары