Прэзідэнт Польшчы дэманстратыўна адмовіўся ўзяць патранаж над шэсцем памяці Бурага ў Гайнаўцы
Прэзідэнт Польшчы дэманстратыўна адмовіўся ўзяць патранаж над шэсцем памяці «Бурага» ў Гайнаўцы.
Марш маюць праводзіць правыя радыкалы.
Рамуальд Райс па мянушцы «Буры» — гэта камандзір антыкамуністычнага партызанскага атрада, які ў 1945—1948 здзяйсняў на Падляшшы масавыя забойствы мясцовых праваслаўных. Такім чынам, польскія партызаны імкнуліся адстрашыць насельніцтва ад супрацы з камуністычнымі ўладамі і выклікаць эміграцыю беларусаў і ўкраінцаў з Падляшша ў СССР. Бандыты Бурага забівалі ўсіх, хто не мог згаварыць каталіцкай малітвы па-польску.
Помнік ахвярам Бурага ў Заляшанах на Падляшшы.
На сайце прэзідэнта Польшчы з'явілася адмысловае паведамленне, што Анджэй Дуда адмовіўся патранаваць шэсцю.
Нагадаем, што Гайнаўка — гэта адзін з цэнтраў кампактнага пражывання беларусаў у Польшчы.
Цікава, што Нацыянальны рух, які арганізоўвае шэсце ў Гайнаўцы, паводле некаторых звестак фінансуецца з Масквы, як і шэраг іншых праварадыкальных рухаў Еўропы.
Каментары