У Новасібірскай вобласці (Расія) расследуецца справа аб нападзе калектараў на сям'ю жанчыны, якая скарысталася мікрапазыкай. Пра гэта паведамляе Генеральная пракуратура Расіі.
Інцыдэнт адбыўся ўвечары 30 сакавіка ў раённым цэнтры Новасібірскай вобласці горадзе Іскіціме. У кватэру пацярпелай, размешчаную ў жылым доме на Барнаульскі вуліцы, уварваліся чацвёра невядомых. Акрамя жанчыны, у памяшканні знаходзіліся яе муж і дзіця 1999 года нараджэння.
Са слоў пацярпелай, зламыснікі скралі мабільны тэлефон і запатрабавалі вярнуць 240 тысяч расійскіх рублёў у кошт пагашэння крэдыту. Затым нападнікі збілі мужа і дзіця гаспадыні кватэры, пасля чаго здзейснілі з ёй гвалтоўныя дзеянні сэксуальнага характару.
Адзначаецца, што ў 2015 годзе жанчына скарысталася паслугамі кампаніі «Грошы адразу», атрымаўшы 5 тысяч расійскіх рублёў, але не змагла вярнуць доўг.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1919
Каментары