Домрачава: «Патэлефанавала Лукашэнку перад аб'яўленнем пра завяршэнне кар'еры. Хацелася, каб ён пачуў не з прэсы»
Чатырохкратная алімпійская чэмпіёнка Дар'я Домрачава расказала пра тое, дзе жыве іх з Уле Эйнарам Б'ёрндаленам сям'я, а таксама пра рашэнне завяршыць спартыўную кар'еру.
«Складана сказаць, дзе праводзім часу больш за ўсё на гэты момант. Напэўна, пакуль у пераездах і падарожжах. Шмат праводзім часу ў Мінску, бліжэй да зімовага сезона часцей бываем у Нарвегіі. Вядома, бываем і ў Манака — такое рашэнне прымае Уле. Мы як сям'я ідзём за мужчынам. Нейкі перыяд, магчыма, пажывём і там.
Чаму я не Дар'я Б'ёрндален? Наша вяселле адбылося ў той час, калі я была дзеючай спартсменкай — для мяне было неактуальна змяняць прозвішча, калі я планавала яшчэ выступаць. Не ведаю, можа быць, гэта зменіцца.
Перад тым, як аб'явіць пра завяршэнне кар'еры, я патэлефанавала Лукашэнку. Па-першае, таму што хацелася, каб пра такое маё рашэнне прэзідэнт даведаўся не з прэсы.
На працягу ўсіх гадоў маёй спартыўнай кар'еры ён сачыў за ўсімі выступамі і ведаў, што я знаходжуся ў роздумах наконт заканчэння кар'еры. Палічыла, што гэта нармальны ўчынак — патэлефанаваць, паведаміць пра такое рашэнне.
У той момант у яго былі справы важнейшыя, так што я перадала гэтую навіну праз прэс-сакратара. Ён не ператэлефаноўваў, не спрабаваў угаварыць застацца. Але спадзяюся, што паставіўся з павагай і разуменнем», — сказала Домрачава ў эфіры «Матч ТВ».
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны43
Каментары