Падазраваную ў датычнасці да забойства журналіста Паўла Шарамета Яну Дугар адправілі пад кругласутачны хатні арышт, паведамляе Українська правда.
Дугар абавязаная прыбываць да пракурора і суду па першым патрабаванні, устрымацца ад зносін з падазраванымі і сведкамі, здаць на захоўванне ў органы дзяржаўнай улады свой пашпарт.
Следства лічыць, што Дугар нібыта фатаграфавала відэакамеры каля дома Шарамета за некалькі дзён да забойства. Паліцыя называе яе «разведчыцай».
Адвакаты дзяўчыны настойвалі на тым, што з 16 чэрвеня да 13 ліпеня 2019 года Дугар не было ва Украіне, аб чым сведчаць меткі ў яе замежным пашпарце і авіябілеты. Па словах адваката, следчыя для фотаэкспертызы выкарыстоўвалі фота нібыта Дугар, якое зрабілі 11 ліпеня 2019 года, але ў гэты час яе не маглі зафіксаваць ва Украіне.
Таксама, адвакаты заявілі, што з 03.06.16 па 26.09.16 года яна знаходзілася на тэрыторыі вайсковай часці вайсковага шпіталя.
Дугар затрымалі 12 снежня ў Львове і прывезлі ў Кіеў. Па словах яе адваката, дзяўчына начавала ў машыне з трыма следчымі. Сама Дугар ад каментароў устрымалася.
Дугар — 26-гадовая ўдзельніца баявых дзеянняў на ўсходзе Украіны з Днепрапятроўскай вобласці.
На фронце была медсястрой парашутна-дэсантнага батальёна.
За ўдзел у баявых дзеяннях Дугар атрымала некалькі ўзнагарод, сярод якіх «За мужнасць» III ступені і медаль «За абарону Аўдзееўкі».
Разведка ЗША: Беларусь стала перадавым вайсковым плацдармам Расіі24
Каментары