Скандал на «Cвяце мора» ў Клайпедзе: шэсце спрабаваў узначаліць мужчына ў расійскай вайсковай уніформе
Юбілейнае «Свята мора», прымеркаванае да 770-годдзя горада, не абышлося без інцыдэнту. Самае шматлікае мерапрыемства — карнавальнае шэсце па вуліцах Клайпеды спыніў мужчына ў расійскай вайсковай уніформе, паведамляе Delfi.lt.
У самым цэнтры горада, побач з гасцініцай Amberton пасярод дарогі спыніўся мужчына ў сіняй маскіровачнай уніформе і ў чорнай скураной куртцы. Паліцыянты папрасілі яго вызваліць дарогу і сысці на ходнікі. Пасля доўгай дыскусіі мужчына падпарадкаваўся, але потым зноў выскачыў на дарогу і пайшоў перад паліцэйскімі на матацыклах, якія ехалі наперадзе калоны.
Паліцыянты нейкі час ехалі за ім, але потым адціснулі яго да абочыны. Тады мужчына зняў чорную куртку. Паліцыянты заўважылі на уніформе сімвалы расійскай арміі, адзін з сімвалаў — эмблема ГРУ — чорны кажан.
На левым рукаве была эмблема УС РФ. Мужчына прадэманстраваў малюнак на скураной куртцы: паруснік. Паліцыянты затрымалі мужчыну.
На пытанне журналіста, чаму ён перашкаджаў шэсцю, той на ламанай літоўскай адказаў, што з'яўляецца камендантам Мемельскага замка і павінен узначальваць шэсце. Паліцыя выклікала падмацаванне, і «каменданта» ў кайданках павезлі.
Шэсце працягнулася.
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары