Памёр беларускі спявак, экс-дырэктар Беларускага дзяржаўнага акадэмічнага музычнага тэатра Аляксей Ісаеў. Інфармацыя з'явілася на афіцыйным сайце тэатра. Яму было 70 гадоў.
Заслужаны артыст Рэспублікі Беларусь Аляксей Ісаеў пайшоў з жыцця 6 мая.
У прэс-службе адзначылі, што Ісаева запрасілі на працу ў Беларускі музычны тэатр у якасці вядучага саліста ў 1991 годзе. Дзякуючы моцнаму прыгожаму голасу (у артыста быў лірыка-драматычны барытон), акцёрскім даным і знешнасці, ён здолеў стварыць на сцэне шэраг яркіх вобразаў. У іх ліку называюцца ролю князя Арлоўскага ў аперэце «Кажан» Ёгана Штраўса, Стэфана ў Viva la mamma Гаэтана Даніцэці, Містэра Ікс, Эдвіна, Тасіла ў «Прынцэсе цырка», «Сільве», «Марыцы» Імрэ Кальмана і шэраг іншых.
За значныя творчыя дасягненні ў 1995 годзе Ісаеў быў уганараваны прэміяй Саюза моладзі Беларусі. У 1997 годзе яму прысвоілі званне Заслужанага артыста Беларусі. Меў ён і шэраг іншых дзяржаўных узнагарод, у тым ліку медаль Францыска Скарыны.
З 5 чэрвеня 2001 года Ісаеў быў прызначаны дырэктарам Музычнага тэатра, а ў перыяд з 2004 па 2009 гады займаў пасаду дырэктара — мастацкага кіраўніка трупы.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы25
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары