Вечарам 8 верасня дзесяць беларускіх грамадзян эвакуяваныя з Сірыі рэйсам МНС Расіі. Яшчэ трое грамадзян Беларусі павінны прыляцець з Бейрута сёння рэйсам «Белавія», паведамілі ў
прэс-службе беларускага МЗС.
У пасольстве Беларусі ў Сірыі пацвердзілі, што сапраўды быў падрыхтаваны спіс з 13 чалавек, якія выказалі жаданне пакінуць гэтую краіну.
«Работа па эвакуацыі працягваецца. Калі не атрымалася вылецець у гэты раз з нейкіх прычын, мы арганізуем у наступны.
Мы пастаянна працуем з людзьмі, інфармуем іх, і некаторыя паступова вырашаюць паляцець, хаця часам у іх няма на радзіме жылля і працы», — расказаў прадстаўнік пасольства.
На ўліку дыппрадстаўніцтва Беларусі ў Сірыі знаходзіцца прыкладна 90 беларускіх грамадзян — гэта ў асноўным жонкі і дзеці сірыйскіх грамадзян.
4 верасня беларускае МЗС «настойліва рэкамендавала» грамадзянам Беларусі пакінуць Сірыю ў сувязі з абвастрэннем сітуацыі ў гэтай краіне і вакол яе.
Грамадзяне Беларусі могуць звяртацца па дапамогу ў пасольства Беларусі ў Сірыі (тэл. + 963 11 6118097; + 963 944 221004) або ў офіс ганаровага консула Беларусі ў Бейруце (тэл. +961 4 542777).
Цяпер чытаюць
Бетанаваць грошы — нацыянальная ідэя беларусаў? Параўналі тэмпы будаўніцтва ў Беларусі, Польшчы, Літве і Латвіі14
Каментары