Дарадца Байдэна: Расія неўзабаве вылеціць з ліку найбуйнейшых эканомік свету
У выніку уведзеных краінамі Захаду санкцый расейская эканоміка, верагодна, неўзабаве перастане ўваходзіць у найбуйнейшыя эканомікі свету. Пра гэта заявіў дарадца прэзідэнта ЗША Джо Байдэна па пытаннях нацыянальнай бяспекі Джэйк Саліван ў інтэрв'ю выданню ABC News.
«Калі паглядзець на незалежныя прагнозы па расійскай эканоміцы, то, верагодна, у гэтым годзе яна ўпадзе прыкладна на 10—15% і перастане быць адной з найбуйнейшых эканомік свету з-за эканамічнага ціску, які мы на іх аказваем», — сказаў Саліван.
Ён таксама дадаў, што цяпер эканоміку Расіі штучна падтрымліваюць мясцовыя банкі.
«Банкам расійскі ўрад не дазваляе прадаваць даляры кліентам. Такім чынам яны абараняюць рубель. Але гэта мае велізарныя эканамічныя выдаткі для расійскай эканомікі. Мы працягнем сціскаць расійскую эканоміку, каб Расія і Крэмль адчулі боль ад таго, што яны зрабілі ва Украіне», — адзначыў ён.
-
Генпракурор ААЭ: Другі пілот рэйса FlyDubai напаў на капітана, выкарыстоўваючы аварыйную сякеру
-
У некалькіх раёнах Малдовы зафіксаваныя выбухі. Паліцыя выявіла абломкі дронаў
-
У Цэнтральнаафрыканскай Рэспубліцы, якая стала галоўнай афрыканскай базай «Вагнера», у школьную праграму ўключылі рускую мову
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі16
Каментары