Вячаславу Салодкаму з Баранавічаў далі год калоніі за «абразу» Лукашэнкі
Стаў вядомы прысуд жыхару Баранавічаў Вячаславу Салодкаму, абвінавачанаму ў публічнай абразе Аляксандра Лукашэнкі паводле ч. 1 арт. 368 Крымінальнага кодэкса. Справу разглядала суддзя Аксана Літвінчык, піша «Вясна».
Паводле матэрыялаў следства, Вячаслава абвінавацілі ў тым, што ён, нібыта ў нецвярозым стане, у прысутнасці супрацоўнікаў міліцыі «выказваў фразы, якія зневажаюць гонар і годнасць Аляксандра Лукашэнкі».
Запісы з відэарэгістратараў міліцыянтаў пазней выкарыстоўваліся ў судзе як доказы вінаватасці Салодкага. Якімі менавіта словамі выказваўся Вячаслаў, не ўдакладняецца.
«Берасцейская вясна» знайшла пастанову Баранавіцкага суда на Вячаслава Салодкага ад 9 сакавіка 2023 года. У адміністрацыйным пратаколе было напісана, што «нецвярозы Салодкі нібыта паводзіў сябе задзірліва, размахваў рукамі, крычаў, чым наўмысна парушыў грамадскі парадак і спакой грамадзян», чым здзейсніў дробнае хуліганства (артыкул 19.1 КаАП). Суддзя Мікалай Кміта прысудзіў за гэта 12 сутак адміністрацыйнага арышту.
За выказванні непахвальных слоў пра Лукашэнку суддзя Літвінчык прызначыла Салодкаму пакаранне ў выглядзе пазбаўлення волі тэрмінам на адзін год калоніі агульнага рэжыму.
Чытайце таксама:
У Беларусі новае «экстрэмісцкае фармаванне» — праект daroha
ГУБАЗіК прымусіў мужчыну звесці татуіроўку з радком «Не быць скотам»
Каментары