А разам з ім Молатава, Кагановіча і іншых арганізатараў Галадамору сялян у 1932-33 гадах.
А разам з ім Молатава, Кагановіча і іншых арганізатараў Галадамору сялян у 1932-33 гадах.
Сталін прызнаны вінаватым ў генацыдзе, які адбыўся на Украіне падчас Галадамору 1932-33 г. Гэта прызнаў Апеляцыйны суд Кіева. Інфармацыю аб гэтым распаўсюдзіла Служба бяспекі Украіны (аналаг беларускага КДБ), якая і стала ініцыятарам разгляду справы.
Працэс пачаўся ў сераду 13 студзеня і скончыўся ў той самы дзень. Паводле рашэння суда, у сувязі са смерцю абвінавачаных справа можа быць закрыта.
Апрача Сталіна, які падчас Галадамору кіраваў СССР, арганізатарамі і вінаватымі ў Галадаморы былі прызнаныя Вячаслаў Молатаў (на той час – кіраўнік Савета народных камісараў), а таксама вярхушку камуністычнай партыі: Лазара Кагановіча, Паўла Постышава, Станіслава Касёра, Уласа Чубара і Мэндля Хатаевіча.
Паводле выраку суда, гэтыя асобы «арганізавалі на тэрыторыі УССР (…) генацыд украінцаў (…) з мэтай частковага фізічнага вынішчэння». Кіеўскі апеляцыйны суд таксама агучыў даказаную лічбу ахвяр – 3 млн. 941 тыс.
Пасля прыходу да ўлады бальшавікоў Украіна зведала тры хвалі голаду – у пачатку 1920-ых гадоў, у 1946-47 гадах і Галадамор 1932-33 гадоў, які стаў найбольш трагічнай старонкай у найноўшай гісторыі Украіны.
У найбольш цяжкі перыяд Галадамору на Украіне штодня памірала 25 тыс. чалавек. Асабліва цярпелі дзеці – за два гады трэць з іх загінула.
Прычынай трагедыі сталі не прыродныя катаклізмы, альбо вайна, а канфіскацыі харчавання, якое пазней прадавалася на Захад. У 1932 годзе быў уведзены закон, паводле якога чалавека дазвалялася расстрэльваць за крадзеж аднаго коласа з калгаснага поля. Выйшаў дэкрэт аб блакадзе вёскі.
Негледзячы на гэта, шмат вяскоўцаў уцякала ў гарады, бо там для рабочых выдавалі харчаванне. Людзі спрабавалі таксама уцячы ў Беларусь і Расію, аднак межы Украіны ахоўваліся вайскоўцамі і зрабіць гэта не заўсёды ўдавалася.
Паводле меркаванняў украінскіх гісторыкаў, Галадамор на Украіне дапамог зламаць супраціўленне калектывізацыі, якое там было вельмі моцным.
Цяпер чытаюць
Анжаліка Мельнікава пасля знікнення набыла дзве кватэры ў Мінску94
Каментары